1 | |
HStAOrient5a: 55r qatında qıyās‑i ḫafīdür. Yine uṣūl‑i erbaʿada dāḫildür. İstiṣḥāb‑i // ḥāl ḥücec‑i fāsidedendür. İbqāʾ‑i mā‑kāne içün ḥüccet olur // ammā is̱bāt‑i mā‑lem yekūn içün olmaz. Ḥāṣıl‑i kelām Şāfiʿī qatında // defʿa ve ilzāma ḥüccet olur Ḥanefī qatında defʿa ḥüccet olur // ve ilzāma olmaz. Ve İmām Şāfiʿī qatında istiṣḥāb‑i ḥāl qıyāsa // mülḥaqdur. Uṣūl‑i erbaʿada dāḫildür. Ve kitābdan murād Qurʾāndur // ve şerāyiʿu min qablinā kitābda dāḫildür. Qaçan şāriʿ bize bi‑ġayr‑i // inkār ẕikr eylese ve kitābu llāhda olan aqvāl‑i cemīʿsi // mütevātirdür. Ammā sünnet ki efʿālde resūlu llāhuñ min // ġayr‑i vücūb mülāzemet ėtdügine dėrler. ʿİbādātdan ise // sünen‑i hüdā ʿādātdan ise sünen‑i zevāʾid [ü] edilledür. // Resūlüñ kitābu llāhdan ġayri ṣudūr ėden qavline dėrler // ki ḥadīs̱dür ve fiʿline dėrler ve taqrīrine dėrler. Taqrīr dėyü resūlu // llāh ʿaleyhi ṣ‑ṣalātu ve‑s‑selām bir şaḫṣuñ bir fiʿlini görüb // bi‑ġayr‑i inkār muqarrer qılmasına dėrler. Bu maḥallde murād sünnetden oldur. // Pes ḥadīs̱de ruvātı her derecede cemāʿat‑i ġayr‑i maḥṣūra olub // kiẕbe tevāfuqları mümkin olmayıcaq olursa mütevātir dėrler. // ʿİlm‑i yaqīn īcāb ėder. Ve egerçi mütevātir qarn‑i evvelde bulınmayub // baʿdehū bulınursa yaʿnī qarn‑i evvelde ḫaber‑i vāḥid olub |